اسكريبت أحببتُ طفلتي

"يا شمس يا منورة غيبي وكفايه ضيك يا حبيبي، وودي يا ليال وجيبي ولا الاقي زيك يا حبيبي"

(خلصت الأغنية وأنا قاعدة على  سلم الجامعة أنا والبنات وقعدوا يصقفوا لي

أنا مليكة عندي 22سنه ودي آخر سنه ليا في الجامعة صحاب بيحبوا إني أغنيلهم عشان جمال صوتي طبعًا (تبًا لتواضعي) ودا ميمنعش برده بعض من المتطفلين اللي لازم يجوا يشوفوا مين اللِ بيغني، نهى صحبتي هي اللِ طلبت مني إني أغني الأغنية دي عشان بتحبها الحقيقة أنا كمان بحبها اوووي الأغنية طبعًا مش نهى خالص"

مليكه: اهو يا ست نهى غنيتها يكش تتهدي بقَ

نهى: اخص عليكِ فيها أي يعني لما أطلب منك تغنيهالي ٥ آلاف مرة في اليوم 

مليكه: مفيهاش يا ختي صوتي هيروح بس.. 

نهى ببرائة: فدايا يا روحي

مليكه: هو اي ده اللِ فداكِ؟هو أ بقولك معلش القلم ضاع، قدامي يا نهى عشان مبهدلش وشك القمر ده 

نهى: خلاص يا جعفر متبقاش قفوش كده. 

ةروحنا كافيه الجامعه"

نهى:بقولك اي اقعدي هنا وأنا هروح أشوف قره عيني واجي... 

مليكه: يا شيخه لحقتي تخليه قره عيني يا اللِ تتشكي في عينك أنتِ.. 

نهى: مش خطيبي ولازم أدلعه

مليكه: خبطك قطر يا بعيده، وبعدين أنا  مرارة أهلي ذنبها اي كل يوم تشوف المحن ده؟ 

نهى: عشان خاطري يا ملوكه خليكي هشوفه واجي بسرعه واوعي تقومي عشان باين إن المكان زحمه اوي... 

مليكه: ماشي بس متتأخريش 

"سرحت في اللِ حصل"

مليكه: ياسر صدقني أنا وأنت مننفعش لبعض... 

ياسر: طب قوليلي بس أنا عملت اي ضايقك وأنا والله هحاول اصلح اللِ حصل 

مليكه: ياسر أنت معملتش حاجه بالعكس أنت أي واحدة تتمناك بس أنا لا 

ياسر: طب اي السبب؟

مليكه:عشان أنا مبحبكش

ياسر:نعم! ووافقتي ليه على الخطوبه؟

مليكه:أنت عارف أنها خطوبه صالونات، وبعدين أنا  مكدبتش عليك وقولت اللِ فيها وكنت فاكره نفسي هنسى بس معرفتش وكده ببقي بظلمك معايا 

ياسر:ماشي يا مليكه ربنا يجمعكم على خير لو ليكم نصيب في بعض، اشوف وشك بخير... 

"فوقت من سرحاني ولاقيت واحد قاعد معايا على الترابيزه قدامي، اتجنن ده ولا اي"

مليكه:لو سمحت يا أخ...

....:تميم

مليكه:نعم!

تميم: اسمي تميم... 

مليكه: حضرتك أنا  مالي باسمك انا قصدي قعدت ليه؟

(بصلي باستغراب اللِ هو مجنونه دي ولا اي ؟)

تميم: حضرتك انا قولت اني عايز اقعد عشان مفيش مكان في الكافيه 

مليكه: وأنا  وافقت؟

تميم: حضرتك كنتِ ساكته ومعلقتيش يبقَ وافقتي

مليكه:اي هو اللي ساكته! هو حضرتك جاي تشوف عروسة وشوفتها ساكته قولت يبقَ السكوت علامة الرضا

تميم: لا بس برده معلقتيش

مليكه:ولو برده ده ميدكش الحق إنك تقعد 

تميم:خلاص أنا آسف بس برده أنا مكلمتش حضرتك أنا كنت بقرأ في الكتاب 

مليكه: طب معلش اتفضل بقَ عشان أنا معايا صحبتي وزمانها جايه

تميم:طب ممكن اقعد لحد ما تيجي عشان رجلي وجعاني

"رفعت حاجبي وبصلته بقرف"

تميم:على فكره أنا مش بهزر ولا بتريق أنا  عامل عمليه في رجلي وأول ما صحبتك تيجي هقوم

"سكت ونزلتي عيني في الأرض لاقيته بيتكلم.."

تميم: احم احم...علي فكره صوتك حلو أوي

مليكه: نعم وحضرتك سمعته فين؟!

تميم:كنتِ قاعده بتغني على السلم من شويه

" اهو ده بقي نوع المتطفلين اللِ كنت بقول عليهم وبعدين اي سلم دي حسيته بيقولي اللِ هو زيك زي اللِ بيغني تحت بير السلم اسمها سلم الجامعه تفرق برده الكلمه معلش سلم من سلم يفرق ده سلم العِلم برده"

مليكه:بس أنا كنت قاعده مع صحابي البنات بس 

تميم بإحراج: احم..انا كنت قاعد بعيد شويه وصوتك جذبني الصراحه، عمومًا أنا  آسف

"مليكه سكتت ومردتش"

تميم:هو حضرتك سنه كام؟

(مليكه مردتش وقامت مشيت وقابلت نهى وحكيتلها على اللِ حصل وبعدين روحت)

مليكه: ماما، يا حاجه، يانبع الحنان

ناديه:اي عايزه اي؟

مليكه: قشريلي البرتقاله دي 

ناديه:متقشريها أنتِ  يا روح أمك 

مليكه:يا ماما أنتِ عارفه إني بحب البرتقال أوي ومش بعرف اقشره من صغري

ناديه: خلاص اشربي يوستفندي

مليكه: ماما اسمها كُلي، وبعدين أنا لو عايزه كنت أخدت انا عايزه برتقال

ناديه:طب برده كُلي استفندي

مليكه:استفندي! فكرتيني بالكوميك اللِ شوفته امبارح بتاع روبي ..

 "اصل الأفندي ده بيعصرلي استفندي وأبوه اسمه بشندي"

ناديه: مين روبي دي يا بت؟! 

مليكه:دي واحده يا ماما زمان كانت بتركب عجل بس دلوقتي ربنا فرج عليها واتطورت ماشاءالله

ناديه: عملت اي يعني؟

مليكه: الهوبااااا

ناديه:نعم؟! 

مليكه:بقيت بتغني الهوبا يا ماما والناس بتغنيها في العربيات كده  وغنِيت (اصل الأفندي ده في حته تانيه عندي مترستأ جوه قلبي وفي قلبي ليه غلاوه) ورفعت رجلي وقولت هوبااا اهو كده يا ماما هي دي الهوبااا

ناديه:وحياة أمك! 

وهوبا لاقيت بقي السلاح المصري بتاع أي أم مصرية أصلية( الشبشب جيه في وشي اللِ زي القمر، اللهم صلِ على النبي هي دي بقي هوبا الأم المصريه وروبي خدتها تطورتها)

مليكه: تسلميلي يا نبع الحنان

ناديه:غوري اتخمدي 

مليكه:وأنتِ من أهل الخير يا نبع الحنان

"دخلت أوضتي بس قبل ما انام بحب اقف في البلكونه وابص على السما والنجوم والقمر واستمتع بالهوا وريحتهحه اللِ بتخطف قلبي وعقلي وبدأت اغني"

يرتسمُ امامي مُحَياك...وأسمَعُ صَوتَ صَداكِ

         أرتمي طَوعًا تحت خُطاك..مِنك الروحُ ..مِنك هلاكْ

لاقيت اللي بيكمل الاغنية

كيف لي ألا أنادي...مَن ألبسَ عُمري سوادِ؟

                أهواكَ....أهواكَ

"خرجت اجري من البلكونه علي برا بسرعه وأنادي علي ماما"

مليكه: ماما ماما ..الحقيني

ماما بخضه:اي في اي مالك؟

مليكه: الشقه اللي فوقينا اتسكنت

ناديه: ايوه النهارده

مليكه: نهار اسود أنتِ عارفه ومقولتليش!وكمان عارفه إن في عفريت فوق وسايباني كده 

ناديه: عفريت اما يعفرتك أنتِ اتجننتي يا بت؟ أنا قصدي إن في ناس بقيت ساكنه فوق 

مليكه: لا يا ماما ده عفريت وبيضحك عليكِ عشان هو غنى معايا

ناديه:العفريت اللِ غنى؟

مليكه:ايوه أنا  كنت بغني لاقيت العفريت كمل الاغنية والله 

ناديه: روحي نامي بدل ما انيمك بطريقتي

مليكه:خلاص أنا رايحه اتخمد اهو 

"دخلت انام بس قولت هروح اقفل البلكونه كويس الأول  لاقيت اللِ بينادي عليا:يا أنسه يا انسه"

مليكه: نهار اسود انا باين ازعجته ولا اي يا لهوووووي العفاريت مش بتحب اللِ يزعجها، بس أنا هروح اعتذر بسرعه واجري اتخمد عشان ميزعلش ويعرف إني مؤدبه ومش هضايقهم تاني، بس ماما قالت إنهم مش عفاريت صحيح

مليكه بصت فوق وقالت: نعم

تميم: أنا اسف إني خضيتك

مليكه بسرعه:وربنا ما كان قصدي إني ازعجكم ولا هشغل أغاني تاني وهروح أنام بدري ومش هعمل أي  حاجه تضايقكم خالص 

تميم بضحك:يا انسه أنا  والله بني آدم عادي أنا  بس بحب الاغنيه دي أوي  وسمعت صوتك وخرجت ولاقيتني بكمل الاغنيه أنا اسف إني  خضيتك

مليكه:يا شيخ حسبي الله ونعم الوكيل

تميم:نعم!

مليكه:مش فيك.مش فيك.فيا أنا ارتحت كده 

تميم:أنتِ مش فاكراني

مليكه:ياعم أنا فاكره أنا اتغديت اي 

تميم:أنا اللِ كلمتك الصبح في الجامعه

مليكه:هو أنت الساكن الجديد

تميم بابتسامه:ايوه أنا

مليكه: ايوه اعملك اي يعني بقَ دلوقتِ

تميم:احم..مش قصدي حاجه يعني...

مليكه: أنا آسفه بس مش بعرف أرد على العموم مبروك الشقه الجديدة

تميم:الله يبارك فيكِ

مليكه: تصبح على خير، عن اذنك

تميم:وانتي من أهل الخير، اتفضلي

(دخلت نمت وصحيت تاني يوم فتحت البلكونه لاقيت ورده حمرا جميله اووووي ومعاها جواب صغير شكله شيك جدًا ومكتوب فيه..)

"صباح الخير على عيونك، تعرفي إنك بقيتي جميله أوي وبقيتي أجمل بالخمار"

(استغربت المسدج جدًا بس فرحت اوي في نفس الوقت وبدأت يومي بيها وكنت طايره من الفرحه بالجواب الصغير روحت الجامعه وحكيت لنهى صحبتي كل حاجه)

نهى بضحك:يخربيتك همووت منك بجد

مليكه:تعرفي إنك مهزأه وأنا غلطانه أصلًا  إني حكيتلك

نهى:بس سيبك خلاص مش مهم

 وبغمزه:اي حكايه الوردة يا وردة

مليكه: وأنا ايش عرفني يا بني ادمه أنتِ

نهى :مين العاشق الولهان يا مزه؟ 

مليكه: معرفش يا خفه

نهي: ما تيجي نعرف يا جميل أنت 

مليكه: أنتِ شكلك فاضيه وحبيب القلب مجاش النهارده وهتتسلي عليا صح؟ أنا مروحه ياختي 

نهي: طب استني خلاص

مليكه: لا مش هتزفت سلام

(روحت البيت ونمت وصحيت بالليل ودخلت البلكونه زي كل يوم لاقيت جواب صغير تاني الله بقي أنا  بحب الحاجات دي اوي ومكتوب فيه..)

"وحشني عيونك وبرائتك يا أجمل ورده وأول واحده شافتها عيوني لسه جميلة وروحك حلوة يا قطتي"

(استغربت اكتر مين ده؟! وبيبعت الحاجات دي ازاي! وازاي وصل لبلكونه اوضتي وقبل ما اقعد لاقيت شنطه فيها حاجات حلوه كتيره وجميله من اللِ أنا  بحبها وفيها ورقة صغيره مكتوب عليها..)

"سهره سعيدة يا صغيرتي"

طلعت الحاجه من الشنطة واللِ  فكرتني بزمان

Flash

(وانا عندي٧سنين بابا اتوفى ومكنش ليا حد أنا  وماما ومفيش حد وقف جمبنا غير طنط جميلة وابنها تميم وأنا مكنتش بقوله غير يا تيمو، تميم ساعتها كان عنده ١٥سنه وهو اللِ بياخد باله مني من وأنا  صغيره وأنا  وهو صحاب جدًا  بس لما بابا اتوفى حسيت إنه بقَ أبويا  قرب مني أكتر وكان بيجبلي اللِ نفسي فيه وكان هو حب طفولتي وحبيته جامد اووووي لحد ما بقَ عندي ١٠ سنين تعامله معايا اتغير اوي بس لسه بياخد باله مني كأني بنته بس بقَ فيه بينا حدود)

تميم: مليكه تعالي هنا بسرعه

مليكه:نعم

تميم بزعيق:مين اللِ أنتِ واقفه معاه ده؟

مليكه:ده عمر صاحبي ومعايا في الفصل

تميم بزعيق:متقفيش معاه تاني فاهمه لا هو ولا اي ولد 

مليكه بعياط: حاضر

تميم: طب خلاص متعيطيش تعالي معايا هجبلك حاجه حلوه 

مليكه بفرحه:بجد يا تيمو

تميم بابتسامه:بجد يا ملاكي تعالي يالا

تميم: مليكه عايزه أقولك حاجه

مليكه:ايه؟

تميم:متقفيش مع أي ولد تاني ولا تصاحبي اي ولاد

مليكه ببرائه:حتى أنت؟

تميم:حتي أنا، أنتِ دلوقتي بقيتي مليكه الكبيره الجميلة اللِ هتسمع الكلام صح؟

مليكه:صح

تميم:يبقي خليكي حلوه وعشان تبقِ خلوه لازم تكوني شاطره مينفعش تاخدي حاجه من حد غريب  ولا تكلمي حد ولا تقفي معاه بالذات الولاد ولا تقفي معاهم ولا تلعبي معاهم العبِ مع بنات حلوه وشاطره زيك

مليكه:طب صحابي البنات بيلعبوا مع ولاد

تميم:ملكيش دعوه بيهم ولا تلعبي معاهم ولو ضايقوكي قوللهم أنا أحلى منكم عشان مش بلعب مع ولاد عشان عيب وحرام البنات تلعب  مع الولاد وعشان ربنا يحبك يا ملوكه

مليكه:ماشي حاضر 

(راحوا البيت وعدي مدة لحد ما تميم وجميله مامته قرروا يبيعوا الشقة ويمشوا)

مليكه بعياط:يعني أنت هتمشي وتسبني؟

تميم:أنا آسف حقك عليا يا ملاكي

مليكه:مين هيخلي باله مني طيب؟

تميم: مليكه شاطره وحلوه وهتعرف تخلي بالها من نفسها وتسمع الكلام لحد ما بابا تميم يجي ياخدها صح؟

مليكه:صح 

تميم: طب اضحكي عشان أمشي

مليكه بابتسامة:حاضر اهو، خد الوردة دي مني 

تميم:ماشي، مع السلامه وخدي بالك من نفسك كويس 

مليكه: حاضر

تميم:هرجع تاني عشان اخدك بس وأنتِ عروسة جميلة وكبيرة

Back

(مليكه فاقت من ذكرياتها وهي بتعيط في ١٢سنه مشفتش فيهم تميم حب طفولتها كانت فاكره إنها مش بتحبه وأنه تعود مش حب أو انها حبيت اهتمامه بيها واتخطبت لياسر عشان تنسي تميم لكن اكتشفت إنها مش بس كانت بتحب تميم لا دي كانت بتعشقه ومش عارفه تنساه خالص مستنيه أنه ينفذ وعده ويجي ياخدها في يوم زي ما قالها)

مليكه:صباح الخير يا ماما 

ناديه: صباح الخير يا حبيبتي

مليكه: حبيبتي؟!ملك يا نبع الحنان أنتِ كويسه؟ ولا سخنه اجبلك دكتور طيب؟

ناديه:نعم يا روح أمك انتي هتتعدلي ولا اعدلك أنا 

مليكه: ايوه كده أنا اتطمنت عليكِ

ناديه:طب ياختي في عريس جاي باليل جهزي نفسك

مليكه:وبتقوليها وش كده طب حتي لفي ودوري زي باقي الأمهات

ناديه: وألف وادور ليه هو انا بقول حاجه عيب ولا حرام انا بقولك في عريس جاي بالليل مش بخيرك على فكرة ماشي 

مليكه بهدوء:اعملي اللِ تعمليه يا ماما، عن اذنك

ناديه: مليكه أنتِ زعلتي؟

مليكه:لا يا حبيبتي خليه يجي

(روحت الجامعه من غير أي جديد وروحت البيت مش جايلي نوم خرجت البلكونه ولاقيت بوكيه ورد ومعاه شوكولاتة من اللِ أنا بحبها بس محدش يعرف نوع الشوكولاتة ده غير تميم أنا  بطلت اكلها من ساعه من سافر)

مليكه:ماما هو في حد بيدخل هنا؟

ناديه:أنتِ هبله مين اللِ هيدخل هنا 

مليكه: ماما أنا  كل شويه الاقي ورد وجوابات من اللِ بحبها في البلكونه 

ناديه: طب يا عبيطه هو حد يطول

مليكه:ماما أنا بتكلم جد طب حتي تعالي شوفي كده

(لاقيتها مسكت الورقه اللِ كانت في الجواب وقرتها ولاقيت عينيها دمعت كده وفرحت جدًا وأخدت من الشوكولاتة ومشيت)

مليكه: ماما..ماما.. ماما طب اسمعيني

ناديه:روحي البسي كتك وكسه زمان العريس جاي 

مليكه: عريس جاي؟ هي الحاجات دي شفافه ولا اي ؟

(اتنهدت ودخلت اوضتي تاني وقريت الورقه ولاقيت مكتوب فيها...)

"كل ما أريده هو أن أضم يدكِ بشده نحو قلبي، وأهمس لكِ..أحبك جدًا يا صغيرتي"

(فرحت جدًا جدً لا ده أنا اتنطط معقول بجد في حد بيحبني كده، بس يا نهار أسود ده في عريس جاي كمان ساعه اعمل اي يا ربي دلوقتي ويا ترى مين اللِ بيبعت الحاجات دي؟ وبيعمل كده ليه؟! وبيوصل لهنا ازاي بس؟!)

(لبست وجيت أخرج لاقيت طوبه جات في البلكونه)

مليكه: وبعدين بقَ في الحيوان اللِ عمال يرمي طوب ده هو أنا عشان بسكت بقي تسوقوا فيها 

(خرجت لاقيت وردة قديمة اوي ودبلانه جدًا ومعاها ورقةصغيرة ومكتوب فيها..)

"ذكرينى حين التقي بكِ أن اخبركِ أنكِ كل ما أملك"

(قلبي دق بطريقه غريبة جدًا  وخرجت لماما مبسوطه وفرحانه وهي استغربت ده اخدت صينيه العصير ودخلت لاقيت العريس وماما لوحدهم سلمت وقعدت من غير ما اشوف وشه بس الصوت ده أنا  سمعته فين قبل كده وبعدين هو ملهوش أهل ولا اي؟!ماما خرجت وسبتنا لوحدنا)

....:احم احم ... ازيك 

مليكه: الحمدلله، وحضرتك..:علي فكره دي رؤيه شرعيه ممكن ترفعي وشك عادي 

(مليكه رفعت وشها واتصدمت وقالت بصوت مسموع يا نهار أبيض هو ده العريس)

تميم بضحك: أيوه أنا، وحش ولا اي 

مليكه:أنا اسفه معلش بفكر بصوت عالي شويه

تميم:عادي ولا يهمك يا ستي المهم اي رأيك

مليكه بغباء:في اي؟

تميم: فيا، موافقه ولا لا 

مليكه:وأوافق على طول كده ليه وأنا  معرفش عنك حاجه

تميم بغمزه:طب وتيمو.. 

مليكه بصدمه:هو أنت 

تميم بضحك:أيوه انا رجعت 

مليكه بدموع:اي اللي جابك؟

تميم:أنتِ

مليكه:مشيت ليه؟

تميم: عشانك 

مليكه:....

تميم:طب ممكن نكتب الكتاب وهفهمك كل حاجه 

مليكه:وأنا  مش موافقه بيك

"بارك الله لكما وبارك عليكما وجمع بينكما في خير"

الاسترونج اندبندت ومان ده غريب جدًا 

تميم: عايزه تفهمي اي بقي يا روح قلبي

(لا أفهم اي بقي بعد روح قلبي دي إن  شاء الله عني ما فهمت حاجه)

مليكه:مشيت ليه؟

تميم:عشان بحبك

مليكه:تقوم تمشي؟

تميم:ايوه عشان احافظ عليكً وعشان اتاكد من حبك ليا 

مليكه باستغراب:ازاي بقي؟!

تميم بتنهيده: بصي يا ملاكي لما كنا ساكنين هنا ساعتها أنتِ كنتِ لسه مولوده مش هقولك نزلتي على ايدي والكلام ده لا أنا أول ل مره شوفتك فيها يوم السبوع بتاعك أول ما شوفتك طلبت من ماما إني  اشيلك وأول ما شيلتك كنتِ نايمه وفتحتِ عينيكِ وضحكتيلِ ساعتها أنا قولت لماما الله يا ماما دي جميلة اووووي وهي بتضحك ينفع ناخدها معانا هي كمان ضحكت وقالتلي لا بس ينفع نجوزهالك قولتلها يا ريت يا ماما ومن ساعتها وأنتِ دخلتي قلبي ومش راضيه تخرجي منه أبدًا  بقيت بخلي بالي منك وبقيت أحفظ أهم تفاصيلك وأعرف بتحبي اي وبتكرهي اي لحد ما كبرتِ كنتِ عيله وبغير عليكِ من صحابك البنات وبغير عليكِ من الولاد اللِ معاكِ في الفصل بس أنا ساعتها كنت هدخل الجامعه لما قررت إنب  اسيبك قولت ازاي هفضل هنا كده أنا عايز احافظ عليكِ وفي نفس الوقت أتأكد  إذا كنتِ بتحبيني ولا لا مع إنك عشر سنين بس أنا كنت بفكر لقدام كان الحل الوحيد إني أبعِد بس عيني تفضل عليكِ واهو تكونِ عقلتِ وكبرتِ واشوف إذا كنتِ بتحبينِ ولا لا وبس كده واديني اهو رجعت قدامك والله ما نسيتك ولا روحتي من بالي ولا في واحدة قدرت تاخد مكانك على عرش قلبي... 

هاااا بقي قولت اي؟

مليكه: بحبك يا تيمو... 

تميم: وتيمو بيموت فيكِ يا روحي 

"لم يختاركِ قلبي صدفه..فأنا لا أؤمن بالصدف"

الكاتبة/صفا صابر