رواية قلبي تأثر بالحياة بقلم/منه الغريب
البارت الأول..
«ينهار يماما انتي نسيتي أن عندي درس الساعه سته والمفروض انك تصحيني اصلي الفجر وازاكر ليا شويه»
_________________________
"اسمي فاطمه عاطف.. بحب اسم بطه اكتر.. تميت السبعتاشر سنه.. ف الثانويه.. تانيه ثانوي عام .. أسماء منصور أقرب صديقه ليا.. فاشله سيكا بس عل نفسها.. نفسنا نسافرو سوا ويبقى معاناا شهادات حلوه.. عايشه ف الريف.. ماما وبابا و اختي الصغيره رحمه واختي التانيه أصغر مني بسنتين خلود ومعاناا ف البيت اعمامي وولاد اعمامي ودول اخواتي ومعاناا جدو وستي الله يرحمها"
_____________________
بطه=صباح الخير يست الكل راحت عليا نومه ومزاكرتش تتعوض أن شاء الله
ام بطه=غفلت والله يبنتي ونمت غصب عني
بطه باست رأسها=ولا يهمك يامي.. همشي انا عشان متتاخرش وهكلم اسماء ف الطريق زمنها لسه نايمه
ام بطه=ربنا يصلح حالكم يبنتي خلي بالك من نفسك
بطه=ف رعاية الله ي امي
*ازيك ي ندى..
_تمام الحمد..
*فين اسماء معلش قلقتك بس ورانا درس..
_هيا لسه قايمه من النوم حالاََ تتوضي بسي وتكلمك..
*اشطاا تمام
"بطه ف نفسها.. قال تتوضي قال عل اساس انك بتصلي ي اسماء لما اشوفك بسي"
_____________________
*ف درس الكيميا*
اسماء=بطاااه
بطه=حرام عليكي المستر م هيدخلنا الحصه
اسماء =ومالو نبقى نروح حصة المغرب ف المجمع
بطه =الدنيا ولا عل بالك ي اسماء الواحد مخنوق ومش طايق نفسو
اسماء=لي؟!
بطه =طب بعد الحصه بقى
اسماء=طاايب
علي=صباح الخير يبطه
بطه=اهلاََ يسطا صباح النور
علي=معلش يبطه لو مش هدايقك يعني لو معاكي ملازم لقوانين الفيزيا هتيهاا
بطه=حاضر هجبهاالك ف درس العربي وتقريباََ هيكون بلاغه متنساش الله يكرمك
علي=تمم
اسماء =أوبااا علوه مره واحده
بطه=اسماء احنا زمايل بس دا ميمنعش انو واد قمر يعني
اسماء=احنا بنقول لسه يصبح
بطه=ونا قولتلك حاجه يلا نلحق الحصه
اسماء=اشطا يلا ف حكاوي عاوزه اقولهالك بعد الدرس
بطه=مبنخلصش احنا من الحكاوي
______________________
المستر=صباح الخير.... الحصه إلى فاتت اتكلمنا عن عنصر الكربون وانو بيطلع منو اربع روابط أحاديه دا ف الكيميا العضويه.. النهارده هناخد الكيميا النووية حد يقولي التعريف
اسما بصوت مش مسموع لبطه=اي الزهق دا
بطه =ارحميني عاوزه اركز
اسماء=طيب يختي ركزي
المستر =سمعينا بتقولي اي يأسماء
اسماء=ولا حاجه يمستر بسأل بس حضرتك واقف فين
المستر=ونتي مش مركزه لي يهانم
اسماء =اسفه يمستر احنا لسه الصبح والواحد مش قادر بجد
المستر = لو اتكررت تاني ف الباب موجود
اسماء ف نفسها =اي الكسفه دي.. امم حاضر ي مستر
بطه=بالله مبسوطه فيكي
اسماء =بتفرحي ف اليوم الاسود يخربيتك
*بعد الحصه*
اسماء=يسطاا.. عوزاكي
بطه=انا عارفه عاوزه اي.. بس ماعلينا خير!
اسماء =اي؟
بطه=نفطر!
اسماء=لاء مليش نفس والله
بطه=طب ف اي
اسماء =امي وابويا واقفين عل الطلاق وفي خناق بينهم جامد
بطه= مش ابوكي مسافر يبنتي
اسماء =ايوا بس ف مشاكل برضو
بطه= ههه طب والله امي وابويا بينهم خناق لرب السما كدا
اسماء=ربنا يستر
بطه =فكي بوزك كدا خير ان شاء الله وبعدين داخلين عل امتحانات وكدا شدي حيلك شويه
اسماء=أن شاء الله يسطا يلا همشي انا بقى عشان ماما
بطه =تمم.. سلام.. متنسيش درس الساعه تلاته
اسماء =أن شاء الله حاضر
بطه =زاكري يسطا
اسماء =حاضر
بطه=خير ي اسماء خير يبا يلا باي عشان الحق مواصلات
اسماء=باي
_________________________
_عند اسماء
ندى =اي يأسماء مالك
اسماء=مليش
ندي=ماما ماما تعالى شوفي بنتك
ام اسماء=مالك ي اسماء
اسماء بزعيق =مفيش يماما اطلعو وسبوني لوحدي
ام اسماء=طب قومي لمى هدومك يلا عشان احنا هنمشي من هنا
اسماء=طلاق خلاص
ام اسماء =طلاق بكرامتي بدال يما ما عمك جمال يجي يطردنا من هنا قومي نمشي بكرمتنا
اسماء=طيب يماما
___________________
*عند بطه*
علي=انا دفعتلك يبطه
بطه=ليه كدا مينفعش
علي=خلاص بقى يلا عاوزه حاجه
بطه=لاء عاوزه سلامتك سلام
بطه سمعت زعيق ف البيت =سلخير يعاالم.. اى دا اي دا في اي يبابا بتزعق لي ونتي ي امي مالك كدا احنا لسه الصبح مش كل يوم الناس تتفرج علينا تعبت
ام بطه =بطه.. انا هروح المحكمه النهارده
بطه=ليه يماما؟
ام بطه=طلاق يبطه طلاق
ابو بطه=هو بمزاجك هنا قال طلاق قال
ام بطه =هطلق يعاطف مش قعدالك فيها تاني
بطه بدموع مكتومه =طب انا واخواتي يماما
ام بطه=انا تعبت اوي يبنتي حقكو عليا والله
بطه بعياط =براحتك يماما براحتك.. بابا.. متزعلهاش مكدا فيها طلاق اشطا تزعلها لي
ابو بطه=غوري من قدامي الساعه دي انتي كمان
بطه=عل فكره الرسول صلى الله عليه وسلم وصى عل الأم تلت مرات فنا هبقي مع امي ي ابي
ابو بطه=متغوري لكون ماسكك ولا حاجه
بطه=خليك كدا دايماََ يبو بطه شايف نفسك نت الصح
أم بطه=اسكتي يبنتي وقومي من هنا قومي شوفي مزاكرتك
بطه=مش مزاكره مش هكمل تعليم يلا هنمشي من هنا
ام بطه =الكلام دا بيني وبين ابوكي ملكيش دخل فيه
بطه=ايوا فعلاََ عندك حق انتي هتطلقي وهو مش هيهون عليه حاجه وهيتجوز ونا واخواتي.. نفسيتي.. حرام عليكم دا.. مش مسمحاكم
ام بطه=طب تعالى معايا كدا عوزاكي
بطه=عن ازنك يحاج
... ف اي بقى يماما
_في انك متدخليش ف حاجه انتي ملكيش دخل بيها
.. إلى هو ازاي يعني
_إلى هو حرام عليكي دا.. يبنتي بجد انا تعبت
.. تعبتي ونا اي؟ وخواتي اي! مبنتعبش احنا
_اسكتي انتي مبتحسيش خالص دا اي دا يشيخه
.. انا مبحسش.. وقفت معاكي قدامو بس لاكن يماما انتي كدا هتظلميني
_لا يبنتي مش هظلمك والله هخدكو معايا
.. بطه قربت منها وباست دمغها حقكك عليا يامي يلا نمشي انا هدخل ألم حاجاتي
_طب مدرستك ودروسك
... عادي يامي.. يلا هروح اشوف اخواتي
_خلود.. خلوود دا كلو نوم يبنتي الدنيا قامت ونامت ونتي لسه نايمه
*ف اي يبنتي حد يصحى حد كدا
_طب قومي احنا هنمشي من هنا
*مع نفسك يماما مستحيل اسيب اميره ومرات عمي انتي عارفه انا بحبهم قد اي يبطه ويعالم هنرجع امتى تاني
_طب قومي بسي هنرجع اكيد
ابو بطه=ي هاانم يالي جوه
بطه=حضرتك بتنادي؟
ابو بطه=امال هكلم نفسي
بطه=نعم يبابا؟
ابو بطه=لو خرجتي من البيت دا مع امك مفيش راجعه ليه تاني
بطه=امي ثم امي ثم امي
ابو بطه=طب مع الف سلامه انتي وامك
بطه بحزن =ذمبي انا واخواتي ف رقبتك يبابا مش مسمحااك
ابو بطه فنفسو وبحزن "هجيبكم أن شاء الله"
______________________
*عند اسماء*
ندي=ماما ماماااا الحقي اسماء يماما
ام اسماء =ف اي يبنتي مالك
اسماء بالزعيق =ممليش تطلعو وسبوني
ام اسماء =مالك يبنتي
اسماء بعياط =صعبان عليا نفسي اوي يماما صعبان عليا بيتنا إلى تعبنا فيه عل موصل كدا كل دا يروح ببلاش
ام اسماء=كل عند ربنا وبينا المحاكم يبنتي
اسماء =محاكم اي يماما احنا مش حمل محاكم ومرمطه
ام اسماء =امال حقنا هيجي ازاي
اسماء=بالكلام يماما والسياسة يماما مش بالطريقه دي
ام اسماء =....
#يتبع😉
بقلم/منه الغريب
عاااش يا دووك 👏👏
ردحذفعظمه 🥺♥️♥️♥️
ردحذفكملى
جميل
ردحذفعظمة يامنة
ردحذفعظمة يامنة
ردحذفجميل انتي عظمه يا منه
ردحذف